Núna um helgina er sumarbústaðaferð hjá Dúllurum. Tæplega helmingur Dúllara fer upp í Borgarfjörð í dag og  á morgun og ætlar að dvelja þar til sunnudags.Hefur undirbúningur og reddingar aðallega hvílt á Geir nokkrum Bjarnþórssyni  Ætlunin er að hjóla um fjörðinn og víðar eftir því sem veður leyfir. Að kvöldi dags verður svo grillað að íslenskum sið með Jóa Brasa í forystu og Geir á kantinum. Að því loknu verða eflaust  kvöldvökur með leikjum og söng. Nokkrir Dúllarar verða til sýnis við Bauluna um helgina.

Vélhjólamaður slasaðist í gærkvöldi þegar hann féll í götuna á Hringbraut, rétt við beygjuna inn á háskólasvæðið. Í fyrstu var óttast að maðurinn væri alvarlega slasaður, en svo reyndist ekki við skoðun og aðhlynningu á slysadeild Landspítalans. Nokkrar umferðartafir urðu á meðan björgunarmenn og rannsakendur athöfnuðu sig á vettvangi. Tildrög eru ekki ljós en líkur benda til að hann hafi misst stjórn á hjólinu, fremur en að ekið hafi verið utan í hann.

Stolið af visir.is